KALIBO, Aklan–Bukon it pabor ro pilang benepisyaryo it Pantawid Pamilyang Pilipino Program’s ukon 4Ps’ sa probinsiya it Aklan sa proposisyon ni incoming Department of Social Welfare and Development ukon DSWD Secretary Erwin Tulfo nga obrahon nga sangka bagsakan ro pagtau it conditional cash assistance sa baylo nga kada buean.
Suno kay Emma Timbas it Brgy. Andagao, Kalibo, sambilog sa 4ps beneficiary nga mas pabor imaw sa nakasanayan nga kada buean nga distribusyon kaysa lump sum bangud nga madasig raya nga maubos.
Mabahoe suno kana nga bulig sa pagtuon it anang mga unga ro nabaton nga bulig pinansiyal.
Tuyo kunta ni Tulfo nga pwedeng magamit ro mabahoe nga kantidad sa pagtukod it negosyo it mga 4Ps members agud nga makatindog eon sa kaugalingon nanda nga siki.
Ro 4Ps hay sangka poverty alleviation program it gobyerno nga nagatau it pinansiyal nga bulig sa mga pigado.
Apang may mga kondisyon nga kinahangean nga i-comply ro mga beneficiaries.
