Natigayon nga mabawi eon it Ukrainian forces ro pilang ka mga village sa north ag northeast it sentro it Kharkiv maghalin sa Russian troops.
Sa nakataliwa nga mga inadlaw, ginpahayag it Ukrainian forces nga nabawi eon nanda ro ap-at nga lugar sa north it kahrkiv nga second largest city it Ukraine.
Ginpahayag ni President Volodymyr Zelensky nga ro kadaeag-an it Ukrainian forces hay amat-amat nga nagapahalin sa Russian forces paguwa it Kharkiv sa northeast Ukraine nga nagapangatubanng it owa’t katapusan nga pangbomba umpisa nga nag-eontad ro giyera.
Sa ginpaguwa nga impormasyon maghalin sa US intelligence official nga si Director it National Intelligence Avril Haines nga sa stalemate sigon ro giyera sa Ukraine kung siin makit-an ro pagpahaum ni Russian President Vladimir Putin para sa sangka long conflict ag ro kadaeag-an it Russia sa eastern Donbas region it Ukraine hay posibleng bukon pa it katapusan it giyera.
Sa pihak nga parte, ro counter attack maeapit sa Kharkiv hay sinyales it panibag-ong umpisa it opensiba.
