KALIBO, Aklan — Owa ginpaburan it Sangguniang Bayan it Malay ro proposisyon nga mai-convert sa national road ro pilang nagapangunang karsada sa isla it Boracay.
Gintalakay it Department of Public Works and Highways (DPWH) ro proposisyon sa konseho para sa conversion it Boracay circumferential road ag ro mga alternatibong karsada sa Brgy. Manocmanoc, Balabag ag Yapak.
Suno kay SB member Dante Pagsuguiron, ginpamalibaran nanda ro proposisyon it DPWH bangud sa ginpatuman nga 12-meter road setback kat ginpaidaeum sa rehabilitasyon ro isla, kun sa siin, maabung establisimento komersiyal ag istraktura ro gintibag sa ginkasa nga clearing ag road widening operations.
Ginpamilit it DPWH-Aklan nga qualified ro mga raya para mai-convert bilang national road.
Engkasong ma-convert, ro national government sigon ro magabutang it pondo para sa maintenance ag repair it nasambit nga mga karsada.
