KALIBO, Aklan — Uman nga nadugangan ro numero it mga lugar nga ginatutukan it Commission on Elections (Comelec) bangud sa mga insidente nga may kaangtanan sa eleksyon.
Pila sa nadugang nga gindeklara it Comelec nga areas of concern para sa eleksyon hay ro pilang lugar sa Panay Island ag Negros Island.
Siyam nga lugar sa Iloilo ro ginabantayan it Comelec kaibahan eon ro banwa it Calinog nga ginpaidaeum eon sa red category bangud sa dating mga kaso it election violence.
May daywang lugar man sa Capiz ro ginatutukan it Comelec; sambilog sa Antique ag lima sa Negros Occidental.
Bangud kara, naga-abot eon sa haeos 40 nga mga lugar sa nasyon ro ginpaidaeum sa areas of concern it Comelec kun sa siin ro mga raya hay ginabantayan ag ginatutukan agud nga masiguro nga magiging maayos ro eleksyon.
