National News ——-Nagaabot sa 20 million dozes it COVID-19 vaccines ro pagaboe-on it Pilipinas sa tripartite agreement it gobyerno, pribadong sektor, ag United States drugmaker Moderna.
Sa pagpamati it House Committee on Health patumod sa COVID-19 vaccination program it gobyerno, ginpahayag ni vaccine czar Carlito Galvez Jr. nga sa 20 million doses nga mabueo it Pilipinas halin sa Moderna, 10 million kara ro para sa pribadong sektor ag ro nabilin nga katunga hay para sa gobyerno.
Ro Moderna hay kaeakip sa pitong pharmaceutical companies nga una sa final stage eon it negosasyon it gobyerno.
Sa makaron suno pa kay Galvez, napirmahan eon ro term sheets para sa Novavax kon sa siin kapin sa 30 million doses it COVID-19 vaccine ro pagaboe-on samtang 17 million doses mat-a sa AstraZeneca, ag 25 million sa Sinovac.
Ro term sheets sigon hay ro dokumentong kinahang-ean agud maireserba eon sa sangka nasyon ro pagabak-eong bakuna ag para maumpisahan eon man ro pagpahaom sa logstical needs nga kinahang-ean sa paghimo ag pagdeliver it mga raya.
