Malabong magresulta ro Pilipinas sa “recession” ukon pagbagsak it ekonomiya.
Raya ro ginpasiguro ni Secretary Benjamin Diokno bilang sabat sa pangutana it Commission on Appointments kun ano ro mga plano it Department of Finance agud nga mabawasan ro epekto it ginakabaeak-an nga global recession.
Sa anang pag atubang sa gamhanan nga komisyon para sa anang ad interim appointment, sambilog sa mga ginaturo nga rason it sekretaryo hay ro “young population” it nasyon sa labor sector.
Ginhalimbawa kara ro unemployment rate nga 5%, nga pinaka-manaba antes pa mag-umpisa ro covid-19 pandemic.
Ginpamilit ni Diokno nga sa tunga it pag-prayoridad it gobyerno sa agrikultura, pagbuhi sa mining, power industry ag manufacturing mag-eowas pa sa pagpadaea it overseas workers hay malabong makaangkon it recession sa nasyon.
Ginpamilit pa it DOF chief nga “manageable” ro utang it nasyon ag indi dapat nga ikabaeaka sa pihak it padayun nga paglobo kara ukon malabong matuead sa Sri Lanka bangud nga may una nga mabaskog nga economic strategy ro Pilipinas sa masunod nga 6 nga dag-on.
