Tuyo nga paeawigon it Pilipinas ro partnership kara sa renewable energy ag nuclear energy sa United Arab Emirates (UAE).
Nakabaehag sa Memorandum of Agreement (MOA) it Pilipinas ag UAE ro magiging kolaborasyon pag-abot sa liquefied natural gas bilang fuel; Pagkriar it kuryente; Transmisyon; Power generation; Nuclear energy; Energy efficiency and Conservation, ag mga alternatibong Fuels, ag Emerging technologies.
Ro nasambit nga kasugtanan hay natabo sa tunga it Department of Energy (DOE) ag UAE Energy and Infrastructure kon sa siin ginpatigayon ro working visit ni Pangueong Ferdinand Marcos Jr. sa UAE ko ulihing dominggo it nagtaliwan nga buean it Nobyembre.
Samtang, nakasugtanan ni Pangueong Marcos Jr. ag UAE President Mohamed bin Zayed Al Nahyan ro pag promote sa Pilipinas bilang nagapangunang destinasyon para sa mga arabong gustong mag-invest sa nasyon.
