Padayon nga nagiging in-demand ro Piña fabric sa bilog nga nasyon.
Suno kay Phats Dela Cruz Tambong, fashion designer ag assistant marketing manager it sangka piña weaving company iya sa probinsya it Aklan, nga ku nagtaliwan nga dag-on hay mataas ro demand it piña fabric apang ginakueang it suplay, samtang sa makaron hay maayos man ro suplay apang nag-hina man sigon ro demand.
Si Phats hay nag-umpisa nga mag-design ku dag-ong 2013, apang nag-umpisa imaw nga mag-ubra sa sangka piña weaving company ku dag-og 2008. Kato paeamang sigon hay mahilig eon imaw sa mga local fabric bangud raya hay kakaiba kaya sa makaron hay ginpangaeanan imaw nga piña fashion designer bangud haeos tanan sa anang mga gindesenyo nga eambong hay himo sa piña fabric.
Pag-abot sigon sa piña fabric, maabo nga pwedeng maubra, bukon eang it mga barong ag filipiana, eabi eon makaron nga pwede eon ubrahon nga pag adlaw-adlaw nga kasuotan bangud may mga disensyo eon nga bukon eang it pang formal occasions. Uwa man sigon it sekreto sa pag-ubra gamit ro piña fabric, apang ro kinahangean eang hay delakidad ro tela para madali ro pagtahi.
Paathag ni Phats nga sa makaron hay nababawasan eon it weavers bangud sambato sa mga nakikita nga rason hay ro mga gina tao nga ayuda it gobyerno.
Pahayag dugang ni Phats nga kunta maabo pang mga kabataan ro maga-promote it makaraya ngara nga kultura bangud bugae ra bukon eang it probinsya it Aklan kundi pati eonman it bilog nga nasyon.
