Pinakamahigko nga tawo sa bilog nga kalibutan, namatay eon sa edad nga 94

Nagtaliwan eon sa pihak nga kinabuhi ro ginkabig nga pinakamahigko nga tawo sa bilog nga kalibutan nga si Amou Haji sa edad nga 94.

Ro Iranian nga si Haji hay pilang dekadang owa nagpaligos hay namatay sa andang baeay sa Dejgah province.

Gin-eksplikar ro rason kung ham-an owa imaw nagapaligos bangud nagakabaeaka imaw nga matapnan it baeatian.

Apang, ko nagtaliwan nga mga binuean hay ginpilit imaw it anang kaeapit baeay nga magpaligos sa unang kahigayunan.

Owa eon man ginmitlang pa ro rason it kamatyon ni Haji.