-- ADVERTISEMENT --
Sigurado eon nga makasikyar it medalya si Pinay boxer Aira Villegas para sa Pilipinas matapos nga magdaog via split decision sa quarterfinals kontra sa kasambuwa nga French boxer nga si Wassila Lkhadiri sa women’s 50kg quarterfinals it Paris Olympic Games 2024.
Naging dukot ro hampang it daywa kon sa siin uwa nagpaapekto si Villegas sa crowd.
Nasayuran nga si Villegas hay bronze medalist ko 2020 Tokyo Olympics.
Sa interview sa Pinay boxer, ginhimo nana nga motivation ro pagkapyerde nanday Eumir Marcial ag Carlo Paalam kon sa siin ginpasiguro nana sa aang kaugalingon nga igabawi ro anang mga kaibahan nga uwa man imaw napas-eawan matapos nga madaog kontra kay Lkhadiri.
