Ginpaathag it sangka transport group nga ro provisional nga dugang sa pamasahe nga P1.00 hay para eang sa first four kilometers ukon sa mga short distances ag bukon it pangkabilugan nga dugang.
Ginklaro ni Edgar Igcasenza, chairman it Malinao-Lezo Transport Cooperative ukon MLTC nga ro mga pasahero nga halin sa parehong Eastern ag Western Terminals hay owa eon it dugang nga pamasahe pagkatapos it short distances.
Dugang pa sigon pwede man nga indi eun magbueo it taripa para sa bag-ong sueondan pero suno kana hay iga-implementar eun nanda raya sa andang grupo nga MLTC sa Lunes.
Bangud sa padayun nga pagtaas it presyo it langis sa sueod it 11 nga magkasunod nga domingo rason nga ginhirit ro dugang nga pamasahe.
Samtang, parte man it fuel subsidy, haeos 99% eun it andang miyembro ro nakabueo ag 15 indibidwal pa ro uwa naka-claim bangud nga may gina-ayos pa ro partner nga bangko kaibahan ro LTFRB 6.
Dugang pa ni Igcasenza nga magapatigayon man sanda it Provincial Consultation sa Transport sa masunod nga mga inadlaw.
