Ginapahaum eon ni presumptive president Ferdinand “Bongbong’’ Marcos Jr. ro anang mga magiging Cabinet secretaries ag unang-una nana nga ginpahayag ro pagbutang kay presumptive vice president Sara Duterte-Carpio nga secretary it Department of Education (DepEd).
Suno kay Marcos, mabudlay nga trabaho ro maging DepEd secretary apang masarangan sigon ni Sara.
Gindugang pa ni Marcos, bukas imaw nga maeakip sa anang Cabinet ro mga eksperto ag iba pang personalidad maskin nga iba ro political leanings ukon kolor kara .
Eauman eon nga sa masunod nga mga inadlaw hay igapahayag ni Marcos ro iba pang mga miyembro it anang Cabinet.
Apang ro mas dapat nana nga tutukan hay ro plano para sa ekonomiya it nasyon .
Kinahangean nga may una nga klaru nga plano kun paalin nga makarekober ro ekonomiya nga eubus nga naapektuhan it pandemya.
Hasta sa makaron, maabu pang mga establisimento ro sarado bangud sa pagpanaeasa it pandemya.
Ro iba hay eubusan eon nga nagsarado bangud nga owa eon nasarangan .
Maabu ro naduea-an it trabaho ko 2021 ag owa pa nakakabawi sa unang tatlong buean it 2022.
Ano ro mga obrahon agud nga makarekober ro ekonomiya it nasyon ag makaangkon eon it trabaho ro maabung Pilipino?
Pinaka-manami nga tutukan it bag-ong administrasyon ro sector it agrikultura.
Kun mapa-umwad ro nasambit nga sektor , mas maabu nga trabaho ro mahimo .
Kun mapabaskog ro ani, indi eon kinahangean nga mag-import it bugas sa mga kaiping nga nasyon .
Ginakilaea nga agricultural nga nasyon apang naga-import it bigas.
Bukon eamang it bugas, pati isda partikular ro galunggong hay gina-import sa China.
Makahueuya ro nagakatabu .
Iplastar eon ro mga plano para sa pagpabaskog it ekonomiya ag umpisahan eagi raya agud nga makabawi ro nasyon nga napaki it pandemya.
Nagakadapat ro klaru nga plano sa pagpabaskog it ekonomiya ag mahimo eamang raya kon may bastanteng ikasarang ukon expertise ro magiging miyembro it Cabinet.
