KALIBO, Aklan — Ginklaru ni Kalibo Mayor Juris Sucro nga ro nagapangunang katuyuan it anang pahayag nga paeawigon it daywang domingo ro Kalibo Sr. Sto. Niño Ati-Atihan festival hay agud nga mataw-an it importansiya ro religious ag spiritual nga aspeto it selebrasyon.
Raya hay matapos ro anang pakikipag-istorya kay Fr. Justy More, chancellor it Diocese of Kalibo.
Gusto sigon it simbahan nga masakop it mga nakalinya nga activities it LGU-Kalibo ro pag-umpisa it 9-day devotional novena kay Sto. Niño bilang spiritual foundation it selebrasyon.
Nauna kara, nagapanawagan si Fr. More nga likawan ro masyadong komersiyalisasyon ag turismo sa kapistahan ni Sr. Sto Nino de Kalibo bangud nga nagakaduea ro Kristiyanong espiritu it selebrasyon, kun sa siin, mas sigon nga ginataw-an it atensyon ro business aspect it aktibidad kaysa sa matuod kara nga religious significance.
Ginpuna pa kara nga mas naga inabu ro commercialism sa festival kun sa siin naga abot sa punto nga matsa nagiging tourist attractions eon lang raya sa baylo nga ro selebrasyon hay nakabase sa anang orihinal nga konsepto ag kahueugan it okasyon.
Dapat suno kana nga taw-an it mabahoe nga atensyon ro pagpasidungog sa patron it banwa it Kalibo.
