Uman nga pagabuksan it Philippine National Police (PNP) ro imbestigasyon sa pagkamatay it pinatay nga retiradong heneral it pulisya ag dating kalihim it Philippine Charity Sweepstakes Office (PCSO) nga si Wesley Barayuga.
Suno kay PNP Chief Police General Rommel Francisco Marbil, raya hay bangod sa bag-ong testimoniya na naga angot sa pilang ka mataas nga opisyal sa pagpatay sa dating opisyal it pulisya kog 2019.
Kasunod kara, ginsugo ni Marbil ro Criminal Investigation and Detection Group (CIDG) nga manguna sa imbestigasyon. Una eon nga gin anunsyo nga gingsugid ni Police Lt. Col. Santie Mendoza sa sangka hearing it House Quad Committee ko Setyembre 27 nga ginsugo imaw ni National Police Commission (NAPOLCOM) Commissioner Edilberto Leonardo ag kat dating PCSO General Manager Royina Garma nga planuhon ro pagpatay.
Ginhambae ni Mendoza nga ginsugo imaw nga himuon ro ginatawag nga “operasyon” kuntra kay Barayuga. Sa anang testimoniya, ginhambae ni Mendoza nga nagtao sigon si Garma it intel para sa operasyon, nga may kaangtanan sa sangka high-value individual nga involved sa iligal nga droga.
Bangod sa mga mismong pahayag, gingtaw-an it-diin ni Marbil nga kinahang ean nga buksan it uman ro imbestigasyon sa kaso nga halin pa ko 2019.
