NATIONAL News — Gin-obliga ro mga miyembro it Philippine National Police (PNP) nga mag-deklara kon may una sanda nga mga igbata nga magapadaeagan sa paeaabuton nga 2025 midterms elections.
Suno kay Philippine National Police-Public Information Office (PNP-IPO) Chief Police Colonel Jean Fajardo, raya hay kaparte it andang Standard Operational Procedure (SOP) agud indi magamit ro mga kapulisan nga mangin kaparte it political agenda.
Sa makaron, ginsaysay ni Fajardo nga nagahimo it imbentaryo ro andang Directorate for Personnel and Records Managament para mabaylo sa “place of assignment” it mga pulis nga may una nga mga igbata nga magapadaeagan sa eleksyon.
Kasunod kara, ginbawi man it PNP ro tanan nga police escorts nga gintaeana para sa mga politiko ag pribado nga mga indibidwal nga magakandidato sa 2025 election.
