KALIBO, Aklan—Eapnaag eon ro pang scam nga ginatawag nga “Love Scam”.
Suno kay P/Capt. Aubrey Ayon, tagapaghambae it Aklan Police Province Office (APPO) raya hay sangka pang scam pinaagi sa mga dating apps ukon mga makaeain-eain nga social media platforms.
Nauuso eon sigon raya ag masami nga gina-take advantage it mga manugloko pinaagi sa pag buoe it tiwala it sangka tawo asta nga maging bastante eon ro tiwala ag dikato eon himuon ro pagpangloko kapareho it pag hueam it kwarta nga ro rason hay may emergency, pati eon man sigon ro pagpangayo it regalo eabi eon sa makaron nga buean it tagipusuon.
Masueod man kara ro identity theft kun sa siin sa sobrang pag-tao nimo it impormasyon hay posible nandang gamiton ro imong pangaean para makapangloko it ibang tawo.
Raya sigon hay uwat ginapili nga kasarian pero kaeabanan hay mga baye ro nabibiktima kara.
Nagpahanumdum man si P/Capt. Ayon nga kung pwede, mangin alerto ag maaeam sa paggamit it social media pati eon man ro mga naga-uso nga mga dating apps eabi eon makarang buean it Pebrero.
