Haum eon ro Philippine National Police (PNP) sa ginpapanaog nga mandu it Department of the Interior and Local Government (DILG) sa pagkasa it mandatory ag preemptive evacuation sa mga lugar nga posible maapektuhan it bagyong Uwan.
Suno kay PNP Acting Chief Lt. Gen. Jose Melencio Nartatez Jr., sigidas eon ro andang pakikipag-angot sa mga local government units (LGUs) ag mga disaster response agencies para sa seguridad ag kaeuwasan it mga komunidad.
Bangud sa posibleng kahalitan nga igatuga it bagyo, ginmandu eon ni Nartatez nga ipaidaeom sa full alert ro mga unit kara eabi eon sa Northern ag Central Luzon nga ginapanan-aw nga maapektuhan it nasambit nga bagyo.
Angot kara, gin-engganyo it ahensya ro publiko nga magsunod eagi sa mga abiso it gobyerno ag indi eon maghueat nga mag-grabe pa ro sitwasyon.
