Ginpasiguro ni Department of Interior and Local Government (DILG) Secretary Juanito Victor ‘Jonvic’ Remulla nga makaangkon eon it mas ginpabaskog nga police presence ro Philippine National Police (PNP) sa mga eskwelahan maskin pa sa school hours.
Tuyo sigon kara nga maipabatyag sa mga ginikanan ag estudyante ro seguridad nga andang kinahang-eanon.
Suno pa kay Remulla, raya hay kaparte it trabaho ag mandato it pulisya ag maging it lokal nga gobyerno.
Gin-engganyo mat-a it opisyal ro publiko nga kon sa pihak it nasambit nga direktiba nga uwa it makit-an nga pulis sa mga eskwelahan, itawag raya sa 911 para insigidang magpadaea it tawuhan it PNP sa lugar.
Samtang, ro nasambit nga tikang suno kana hay para daeayon nga mapanaba ro datos it kriminalidad sa nasyon ag mas mapabaskog pa ro police visibility sa mga pampublikong mga lugar para sa pagpatuman it seguridad ag kaayusan sa mga komunidad.
