-- ADVERTISEMENT --
Nagapati si Philippine National Police PRO – 11 nga maaaresto nanda makaron ro nagatago nga puganteng pastor nga si Apollo Quiboloy ag ro mga kaibahan kara nga akusado.
Suno kay PBGen. Nicolas Torre III, padayon ro anda nga pag-usoy sa loob it King Of Jesus Christ compound sa pagpati nga sa sueod kara ro nagatagong pastor.
Nagapanawagan man raya kay Quiboloy nga sumurender eon ag indi eon pagpakalisdan ro anang mga supporters ag tagasunod.
Sa makaron bantay sarado it pulisya ro bilog nga palibot it compound samtang igaserbi ro warrant of arrest kuntra sa mga akusado.
Hambae pa ni PBGen. Nicolas Torre III nga sa makaron hay matawhay sanda nga nakakahueag sa sueod it compound it KOJC.
-- ADVERTISEMENT --
