Ginpahayag it World Health Organization nga igapadayon eon ro ikaywang round it child polio vaccination program sa northern Gaza.
Ro anunsyo it pagpadayon it ulihing phase it polio vaccination sa Gaza Strip hay kasunod it pag-engganyo ni US Secretary of State Antony Blinken sa Israel nga makipagbueoligan sa madasig nga pagkumpleto sa kampanya.
Nag-umpisa ro vaccination drive ko Setyembre 1 matapos makumpirma ro kauna-unahang kaso it polio sa lugar sa nakataliwan nga 25 anyos.
Nakumpleto eon ro unang round it bakunahan sa Gaza Strip ag ro ikaywang round naman hay nag-umpisa ko Oktubre 14 sa central gaza ag sa nabagatnan nga bahin it nasyon.
Sa pihak kara, ginpaiway it WHO ro ulihing four-day phase sa naaminhan nga parte it nasyon nga nakataeana kunta Oktubre 23 bangud sa “intense bombardment” rason para maging malisod ro sitwasyon it pagbakuna.
