KALIBO, Aklan–Ginpaathag it sangka batikang abogado sa Aklan ro may kaangtanan sa positibo ag negatibong epekto it Tax reform for acceleration and inclusion ukon TRAIN law.
Suno kay Atty. Axel Gonzales nga raya hay may benepisyo sa mga minimum wage earners ukon mga naga-sweldo it 250,000 pesos panaba kada dag-on bangud nga exempted sanda sa pagbayad it buwis ukon income tax.
Sa pihak nga parte, bangud sa pagtaas it ginasukot nga excise tax hay nagamahae ro mga baeak-eon partikular ro mga produktong petrolyo, kotse, mga matam-is nga ilimnon, iba pang manufactured products, aeak, sigarilyo ag iba pa.
May epekto sigon raya sa mga trabahador nga manaba ro ginakita bangud nga ro andang savings sa owa pagbayad it income tax hay ginagastos man nanda sa pagbakae it mga kinahangeanon adlaw adlaw.
Gindugang pa ni Atty. Gonzales nga kon nagataas ro taxes hay indi man malikawan ro inflation ukon pagtaas it presyo it mga produktong apektado kara.
