KALIBO, Aklan—Ginpabatyag ni President Ferdinand “Bongbong” Marcos Jr. sa anang mga kababayan sa Indonesia ro sitwasyon ko tiempo nga imaw hay nagapangampanya sa pagka-pangueo.
Raya ro ginpahayag ni Bombo International Correspondent Marilyn Pangilinan-Dolor it Jakarta, Indonesia matapos nga gintaeana ro unang adlaw it anang state visit sa Filipino community sa nasambit nga nasyon.
Mainit suno kana nga ginsug-aeaw ro Pangueo it mga Pinoy sa Fairmont Hotel.
Antes ro diskurso ni Marcos hay pilang mga talented nga Pilipino ro nag-perform.
Kuntento sigon imaw sa mga ginbuhian nga promisa ni marcos partikular ro pagbulig sa mga OFWs pinaagi sa gintukod nga Department of Migrant Workers sa 2023.
Ginpasaeamatan man it pangueo ro Indonesian government sa pag-alaga sa mga pinoy kamana man nga ginpasiguro nga mas pang pagapabaskugon ro relasyon sa tunga it daywang nasyon.
Angot kara, nag apela si Dolor sa mga Pilipino nga suportahan ro presidente sa anang kawsa ag padayun nga mag-eaum nga maobra nana it sensiro ro anang mga promisa.
