Ginturo it United Sugar Producers Federation of the Philippines (UNIFED) ro uman nga pagsipa it presyo it asukar sa Metro Manila ro mga traders ag retailers.
Ginpahayag ni UNIFED Presdient Manuel Lamata, nga ro mga traders ag retailers ro nagadikta it presyo ag bukon it ro mga sugar planters rason nga sangkiri nga nagtaas ro presyo kara sa Metro Manila.
May pilang factors nga posibleng makabalik sa dating presyo it asukar ag raya hay kung magnaba sa P40 sa kada litro ro presyo it produktong petrolyo ag ro pagnaba sa P800 it presyo it mga fertilizer.
Sa makaron, ro millgate price it puting asukar hay P70 hasta P75 kada kilo samtang P60 hasta P65 ro brown sugar.
Ginadugangan eamang it mga middlemen it P28 sa kada kilo it puting asukar samtang P20 man sa kada kilo it brown sugar.
Pagpasiguro man it Department of Agriculture nga nakikipag-angot eon sanda sa Sugar Regulatory Administration sa pagbantay it presyo it mga asukar.
