KALIBO, Aklan–Ginaeauman eon it mga negosyante sa Kalibo Public Market ro mas pang pagtaas it presyo it bugas sa mga masunod nga adlaw.
Raya hay epekto gihapon it sigidas nga pagsipa it presyo it produktong petrolyo.
Suno kay Cheryl Flores, negosyante it bugas sa Kalibo Public Market nga kaeabanan nga gina-rason kanda it supplier ro mahae nga sukot sa delivery.
Ro pilang klase sigon it andang ginabaligya nga bugas hay maghalin pa sa probinsya it Mindoro.
Kapin sa P50 sigon ro gintaas makaron sa kada sako it bugas rason nga nakaangkon it sangkiri nga paghueag sa presyo kara sa merkado.
Owa sigon sanda it mahimo kundi eagson ro presyo para makaangkon it sangkiri nga kita ag pambayad sa tawuhan.
Sa makaron, ro regular rice hay nagabalor it P37 hasta P38.
