KALIBO, Aklan—Kaeabanan eon nga nagamahae ro presyo it mga isda kada nagahilapit ro tiempo it Semana Santa bangud nga nagalikaw sa karne ro mga bumaeakae.
Raya ro ginpahayag ni Winefred Paller, sangka fish vendor sa banwa it Kalibo.
Sa pihak kara, indi pa suno kana mabatyagan makaron sa mga baealigyaan ro pagtaas it presyo bangud nga owa pa sanda nagpataas.
Posible suno kana nga umpisa sa Miyerkules Santo hay amat-amat eon nga magasaka ro presyo kun sa siin ginaboeobanta nga P20 hasta P30 ro igasaka kada kada kilo depende sa kabahoe ag klase it isda.
Samtang, puro mga maintok nga klase it isda ro ginabaligya kanda it andang mga supplier nga halin sa Aklan ag Antique.
Kaabuan sigon nga ginabakae kada tiempo it kuwaresma hay mga mabahoe nga isda nga ginahanda kada Biyernes Santo eabi eon it mga caro owners nga nagapakaon pagkatapos it prusisyon.
Uman nga nagabalik sa dati ro presyo it isda pagkatapos it Semana Santa.
Mag-eowas sa isda hay kaeabanan nga naga mahae man ro presyo it seafoods.
Sa makaron hay nagadaeagan sa P380 hasta P400 ro kada kilo it mga manami nga klase it isda kapareho it maya maya, silay, inggatan, mamsa, ag iba pa.
