KALIBO, Aklan–Nakaangkon it sangkiri nga paghueag sa presyo it kandila sa mga baealigyaan, sang adlaw antes ro piyesta minatay.
Suno kay Gina Estilo, candle vendor sa Kalibo Municipal Cemetery nga owa sanda it mahimo kundi magpatong man sa andang ginabaligya nga kandila matapos nga magmahae ro presyo it gina-suplay kanda.
Ro number 6 sigon nga kandila hay nagabalor eon makaron it P140 kada pack halin sa dating presyo nga P120.
Samtang, ro number 5 hay nagakahaeaga it P120 ag P100 mat-a sa kada pack it number 3 nga kandila.
Nagpatong sigon imaw it tig P20 sa kada pack it kandila para maeagas ro anang kapital.
Sa makaron, amat-amat eon ro pag-aeabutan it mga pumueoyo sa sementeryo para bisitahan ro eubnganan it andang pamilya nga nagtaliwan eon kadungan it paghaead it pangamuyo, bueak ag pagsindi it kandila.
