KALIBO, Aklan–Amat-amat eon nga naganaba ro presyo it manok sa merkado publiko.
Raya hay matapos nga may nagasueod eon nga supply it poultry products maghalin sa ibang probinsya ag rehiyon.
Mag-eowas kara, maabo eon ro mga nagaalaga it manok kamana man sunod-sunod ro pagnaba it presyo it produktong petrolyo.
Suno sa chicken vendor nga si Mrs. Sara, halin sa P200 ro kada kilo ko nagtaliwan nga buean it Hulyo hay nagnaba raya makaron sa P185 eon lang ro kada kilo it manok.
Angot kara, amat-amat eon man nga nagaabo ro mga bumaeakae bangud nga masarangan eon nanda nga bak-eon ro presyo.
Ginaeauman it mga negosyante nga kon sigidas ro pagnaba sa presyo it langis sa pangkalibutanong merkado ag padayon ro pagsueod it poultry products sa probinsya hay may posibilidad man nga magnaba ro presyo kara sa mga merkado.
