KALIBO, Aklan—Nagapabilin nga normal ro presyo it mga prutas makarun apisar nga nagahieapit eun lang ro adlaw it kapaskwahan ag pagsug-aeaw it bag-ong dag-on.
Suno kay Perpetua Mehes, sangka manugbaligya it prutas sa banwa it Kalibo nga makarun hay owa it paghueag sa andang presyuhanan.
Samtang, sari-sari man ro prutas nga makit-an makarun sa Kalibo Public Market.
Mabakae ro apple nga mabahoe sa presyong 3 for 100 samtang ro maintok hay 10 pesos samtang 3 for 100 man ro pears.
Ro ubas nga seedless hay mabakae it 240 hasta 250 samtang ro may bosoe hay 140 hasta 150.
Ro lemon hay tag 20 pesos , suha 120 per kilo, pakwan nga dueaw 50 per kilo, pakwan nga puea 30 per kilo ag melon nga 75 pesos per kilo.
Samtang, ginpahayag dugang ni Mehes nga mabahoe ro naging it epekto it COVID-19 pandemic sa andang kita makarun mga dag-on.
Kumpara ko nagtaliwan nga dag-on nga maskin gabi-e hay may nagapamakae kanda, makarun hay matumal eun ro andang costumer bangud sa ginpatuman nga curfew ag maabo man ro nadueaan it trabaho.
Ginlaygayan man kara ro mamaeakae nga mag-canvass anay antes nga magpamakae it prutas nga igahanda sa adlaw it kapaskwahan ag bag-ong dag-on.
Raya hayagud makakita it manami nga kwalidad sa barato nga presyo.
