BUSINESS News —- Nagtaas eon man ro presyo it pilang brand it tinapay bangud sa nagatinaas nga presyo it harina sa international market.
Suno kay Johnlu Koa, presidente it Philippine Baking Industry Group, ro pinoy tasty ag pinoy pandesal eon lang ro nagapabilin ukon owa nagahueag ro presyo sa mga baealigyaan bangud joint project raya it Department of Trade and Industry (DTI).
Ginpamilit ni Koa nga sa pihak it mataas nga presyo it produktong petrolyo hay bastante sa gihapon ro produksiyon it harina sa nasyon bangud sa bulig it mga miller.
Nagahirit ro nasambit nga grupo nga pataaan ro Suggested Retail Price (SRP) it 450-grams it pinoy tasty sa P42.50 halin sa presenteng P38.50 ag pataasan sa P27.50 halin sa presenteng P23.50 ro presyo sa kada napueong bilog nga pinoy pandesal.
Sa makaron, ro dating P690 sa kada tunga sa kaban it harina hay nagtaas eon sa P1,000.
Ginpasiguro man ni Koa nga padayun sanda nga magasunod sa guidelines nga ginpaguwa it DTI angot sa SRP it kada tinapay.
