KALIBO, Aklan–Kasunod it pagmahae ko presyo it baboy ag panakot, nagtaas man ro presyo it pork products kaparehas eon lang it longganisa ag tocino.
Suno kay Celyn Dela Cruz, sangka longganisa vendor nga ko kan-o eamang imaw nagpatong it uman sa anang baligya agud nga maskin papaano hay maibalik ro anang kapital.
Homemade sigon ro anang ginabaligya nga produkto ag adlaw-adlaw sanda nga nagaobra kara.
Sa pihak nga bastante ro supply it baboy sa probinsya it Aklan, ginakabaeak-an gihapon nanda nga maapektuhan ro andang negosyo bangud sa sigidas nga pagtaas ko presyo it live weight nga baboy nga ginasundan man ko presyo it anang karne.
Suno pa kay Dela Cruz, uwa it dapat nga ikabaeaka ro publiko sa ginabaligya nga mga processed pork products sa Kalibo Public Market bangud nga eowas sa African Swine Fever ro Aklan.
