NATIONAL News — Gin-anunsyo it Department of Agriculture (DA) nga pwedeng magnaba ro presyo it sibuyas sa Metro Manila hasta sa P80 kada kilo sa pag-abot it imported nga sibuyas halin sa China.
Suno kay DA spokesperson Arnel De Mesa, maganaba ro presyo halin sa presenteng P160 kada kilo ag mabatyagan it publiko ro pagnaba it presyo sa sueod it masunod nga daywang domingo.
Ko Pebrero 20, nag-abot eon ro 459.10 metric tons (MT) it 3,002 MT nga imported nga pueang sibuyas ag 200 MT it 1,014 MT nga puting sibuyas.
Naatrasar ro pag-abot it suplay bangud sa Chinese New Year ag iba pang pista opisyal sa China.
Ginpasiguro man ni De Mesa nga owa it nagakatabu nga hoarding, base sa inspeksyon it mga cold storage facilities nga may sangkiri nga stock eamang.
Padayun pa ro pag-inspeksyon sa bilog nga nasyon agud nga mapugngan ro mga trader sa pagpugong it suplay ukon pagbakae it sibuyas sa mga mangunguma sa barato nga presyo.
Ginaeauman nga sa katung-anan it ani umpisa Marso hasta Abril hay makaangkon it ginaboeobanta nga 145,000 MT nga pueang sibuyas ag 35,000 MT nga dueaw nga sibuyas.
