KALIBO, Aklan–Naging matawhay ro selebrasyon it All Saints Day sa bilog nga Western Visayas kahapon, Nobyembre 1.
Raya hay base sa initial assessment it Police Regional Office (PRO)-6.
Suno kay Police Major Mary Grace Socorro Didulo Borio, tagapaghambae it PRO6 nga owa sanda it nailista nga anumang untoward incident kamana man nga owa it nakumpiskang armas ukon mataeom nga bagay sa mga pumueoyo nga pasueod it sementeryo.
Naga-abot sigon sa 3,030 ka mga PNP personnel ro andang gindeploy sa nagkaeain-eain nga sementeryo, terminal, airport, seaport ag iba pang place of convergence sa bilog nga rehiyon.
May gintukod man sigon sanda nga kapin sa 573 ka mga police assistance desk sa entrance ag exit it mga sementeryo.
Samtang, nakalista sanda it 772 nga augmentation halin sa iba pang ahensya ag 5,337 ka mga force multipliers ukon volunteers.
Naobserbahan man it taeatapan nga mas sangkiri makaron ro tawo nga nagbisita sa kada sementeryo kung igakumpara ko mga nagtaliwan nga dag-on.
