KALIBO, Aklan — Owa pa it ideya si P/Brig. Gen. John Bulalacao kon sin-o ro magabueos sa anang pwesto bilang PRO-6 regional director .
Raya hay kasunod it anang pagbisita sa probinsiya it Aklan bilang kaparte it anang farewell tour sa mga provincial police offices sa bilog nga Western Visayas bangud sa anang nakataeanang pag-retiro sa Hunyo 22 .
Suno kay Bulalacao nga kon imaw eamang ro masunod hay gusto nana si P/Brig. Gen. Jesus Cambay Jr., deputy regional director for administration ro magabueos kana sa pwesto.
Apang bangud sa polisiya it PNP hay indi raya mataw-an it katumanan.
Samtang, gindugang pa ni Bulalacao nga sa sueod it sang dag-on ag 27 diyas nana nga pagpanerbisyo bilang regional director hay makabig kara nga nahimo kara it husto ro anang trabaho.
Sa pihak nga parte, sa ginpatigayon nga programa, ginpasidunggan man ro kapin sa 15 nga PNP personnel ag iba pang police stations angot sa andang mga accomplishments kapareho it pag-eagas sa mga wanted persons, kampanya kontra sa iligal nga druga ag kag loose firearms.
