KALIBO, Aklan—Sa pihak it pagkansela it mga byahe it eroplano maghalin sa Metro Manila paadto sa probinsya it Aklan, padayun gihapon nga magabaton it mga naga-ueoli nga Returning Overseas Filipinos (ROFs) ro Provincial Disaster Risk Reduction Management Office (PDRRMO) Aklan.
Suno kay MJ Jismundo, Chief Operations and Warning officer it PDRRMO-Aklan, sanda ro magadumaea sa pag-screen sa mga naga-ueoli nga ROFs provided nga negatibo ro mga raya sa reverse transcription polymerase chain reaction ukon RT-PCR test.
Kamana man nga iga-diretso ro mga raya sa Aklan Traning Center para sa profiling.
Kaangot kara, bawae gihapon nga makasueod ro mga Authorized Persons Outside Residence (APORs) ag Locally Stranded Individuals (LSIs) sa anumang pantalan it Aklan maeuwas kung naghalin sanda sa mga lugar nga may manabang kaso it Coronavirus Disease ukon COVID-19 infection.
Samtang, sa pihak nga parte, ginpasiguro man ni Jismundo nga may bastanteng pondo ro andang taeatapan para sa iba pang disaster nga ginapreparahan eabi eon makarun nga tyempo it tag-uean ukon rainy season.
Nagpanugyan man ni Jismundo nga maging vidgilanty kita sa pag-atubang sa pandemya kamana man nga padayun nga sundon ro mga minimum health standards it Department of Health kaeakip eon kara ro perming paghugas it alima, pagsuksok it facemask ag pag-obserba it physical distancing.
