Sa masunod nga dominggo eon igapatigayon it Comelec, ro presente nga nagatindog nga National Board of Canvassers (NBOC) sa pagdekla sa mga nagdaea-og nga senador ag partylist organizations.
Suno kay Comm. George Erwin Garcia, gusto kunta nanda nga maeagas makaron nga dominggo ro pagtumod sa mga nagdaea-og, apang may 24 pa nga certificate of canvass (CoC) ro owa pa nabaton it andang taeatapan.
Ku nagtaliwan nga Sabado, nagsueod eon sigon ro data maghalin sa pilang lugar, local absentee ag overseas absentee voting.
Apang ginpakamayad it poll body nga indi anay iproklama ro mga nagdaea-og, bangud posibleng may impact pa sa ranking it mga kandidato ro 24 COCs nga owa pa napoproseso.
Para kay Garcia, mas mayad kung idungan eon lang ro pagdeklara it mga winning senators, para dueungan eon lang ro paga-abangan it publiko.
Samtang, indi pa sigon madungan ro tanan nga magasueod nga partylist groups bangud maid-id pa ro andang pagatigayunon nga pagboue it tama nga numero kara.
