Pasado eon sa ikatlo ag ulihing pagbasa it manabang kapueungan ro House Bill 8144 ukon proposisyon nga magapatong it mas mabug-at nga penalidad kontra sa mga eakot sa tax racketeering.
276 nga mga mamalidha ro nagboto it pabor sa proposisyon nga nagatuyo nga i-update ro tax code para mapugngan ro pageusot sa pagbayad it buwis sa gobyerno.
Ginaduso it proposisyon nga mapatungan it 17 hasta 20 anyos nga pagkakulong ag multa nga 5 million pesos hasta 10 million pesos ro magapatigayon it tax racketeering, kamana man ro mga kakunchaba ukon may kaangtanan kara.
Base sa proposisyon, ro racketeering hay ro paglikaw sa pagbayad it tamang buwis ag paggamit it mga pekeng resibo, returns ukon record nga ro kantidad hay indi maganaba sa ₱10 million pesos.