Pasado eon sa senado ro proposisyong laye nga nagatao it euwas nga aeagyan para sa mga pedestrians, bikers ag non-motorized vehicles.
Ro Senate Bill No. 1290 ukon kilaea bilang “Walkable and Bikeable Communities Act,” hay pasado eon sa third ag final reading nga may una nga 21 nga pabor ag owa it nagkontra.
Ro nasambit nga proposisyong laye hay gin-author ni Senator Pia Cayetao ro chairperson it Committee on the Sustainable Development Goals, Innovations ag Future Thinkings.
Kaibahan man kara bilang co-authors sanday Senators Grace Poe, Joseph Victor “JV” Ejercito, Jinggoy Estrada, Ramon Bong Revilla Jr., Sonny Angara, Ronald “Bato” Dela Rosa, Christopher Lawrence “Bong” Go, Majority Leader Joel Villanueva, ag Senate President Pro Tempore Loren Legarda.
Ginpahayag ni Senator Cayetano nga maabu nga Filipino ro naga-bisikleta eabi eon ko lockdowns matapos nga bawaean ro pagbiyahe it mga pampublikong saeakyan.
Dugang pa kara nga ro pag-angkon it euwas nga daean para sa mga bicycle lanes, walkways ag slow streets sa nasyo hay maga-resulta sa pagbawas it carbon emissions ag paghaeuga it karsada.
