KALIBO, Aklan—Ginpakamayad it Provincial Inter-agency Task force sa probinsiya it Aklan nga indi anay mag-apela ag sundon eun lang ro quarantine classification nga ginmando it national IATF kung sa siin gin-extend pa ro ginapatuman nga Modified Enhanced community quarantine ukon MECQ hasta sa Setyembre 7 it presenteng dag-on.
Suno kay Aklan Governor Florencio Miraflores nga nakit-an sigon nanda ro epekto it ginapatuman nga striktong pagsinoeondan.Dikara hay amat-amat man sigon nga nagnaba ro kaso it coronavirus disease ukon COVID-19.
Kung magpadayun man ro makarundaya nga sitwasyon hay posibleng magahingyon eun sanda sa national IATF nga panabaan ro quarantine classification it probinsiya maghalin sa MECQ paadto sa General Community Quarantine ukon GCQ.
Samtang, sa pihak nga parte, ginpahayag man ni Miraflores nga hasta makarun hay nagapadayun ro vaccination roll out it probinsiya gamit ro mga nag-abot nga suplay maghalin national government nga maghalin sa kompaniyang Sinovac , moderna ag Pfizer.
