Nagpaandam ro psychologist nga si Dr. Romeo Lorenzo nga padayon ro pag-abo it kaso it cyberbullying sa mga elementarya nga estudyante bangud sa mas sobra nga paggamit it cellphone ag internet.
Suno kana, bukon it ro cellphone ro pangunahing problema kundi ro bukon it matarong nga paggamit it teknolohiya.
Ginsiling man ni Dr. Lorenzo nga ro cyberbullying ro pinaka-abo nga klase it bullying sa makaron, ag mahimo raya magresulta it anxiety, depression ag insomniasa mga inunga.
Gindugang pa gid nana nga dapat bantayan it mga ginikanan ro mga warning signs pareho it social isolation, kakueangan sa tueog, pagiging mainiton it ueo ag pagnaba it performance sa eskwelahan.
Gin-agda man nana nga limitahan ro paggamit it cellphone eabi eon sa gabi-i ag pangayuan it bulig ro mga mental health professional kon may napapansin nga senyales it bullying ukon problema sa mental health.
