KALIBO, Aklan—Ginpaathag ni Dr. Philip Ian Padilla, sangka public health expert nga masyadong makataeapon it monkeypox virus nga naghalin sa Africa.
Suno kana nga nagdeklara eon ro World Health Organization it global health emergency angot sa nasambit nga virus.
Base sa report it Center for Disease Control ukon CDC it Amerika, ro monkeypox virus hay halin sa eanggam.
Gindugang pa nga mag-eowas sa Africa nakaangkon eon man it kaso kara sa pilang nasyon eabi eon sa Europa.
Naka-record man sigon it siyam nga kaso kara sa pilipinas , apang ko nagtaliwan nga dag-on pa raya ag owa eon it mga bag-ong kaso nga nailista makaron.
Nagapati man ro eksperto nga indi magiging kasing-grabe it COVID-19 ro pagkalhit kara.
Pila sa mga sintomas kara hay eagnat, sakit it ueo ag eawas.
Pagkataliwan it limang adlaw hay makaangkon it rashes sa itsura, alima ag pagasundan it butlig-butlig nga nagatubi-tubi hasta nga matsa maging galis sa alima ag eawas.
Nagatuhaw pa suno kana sa report it WHO nga 98 porsiyento it tinamaan it virus hay mga miyembro it LGBT community ukon bisexual men.// maskin nga puwedeng maipasa sa “droplet” ukon talsik it eaway ro monkeypox, mas makataeapon sigon raya sa “contact” ukon nagkadukot it eawas ukon panit it infected ag natapnan partikular sa pakikipag-sex.
Pwede man kon naeugban ro gin-eugban it tawong infected.
