KALIBO, Aklan–Makabig nga makamaeatay ro rabies rason nga maghimo it nagakaigo nga tikang agud nga indi maangkit it ayam ukon iba pang sapat nga naga angkon it nasambit nga virus.
Suno kay Dr. Philip Ian Padilla, professor of microbiology sa UP Visayas ag sangka health expert nga kaeabanan nga maabu nga kaso it rabies sa mga tropical counties ukon may mga mainit nga paniempo nga nasyon bangud nga makabig ro mga raya nga mga developing countries ag ro mga tawo hay owa pa it masyadong income agud mataw-an it prayoridad ro pagpabakuna sa andang mga alagang sapat kapareho it ayam ag mga kuring.
Gindugang pa ni Dr. Padilla nga mas dapat nga siguraduhon nga may bakuna ro mga alagang ayam agud nga masiguro ro kaeowasan it mga tawo.
Ginsuhestiyon man nana nga taw-an it nagakaigo nga tubi ro mga alagang ayam ag pirme raya nga presko para indi maging iritable bangud nga kapareho it mga tawo hay batyag man nanda ro kainit it tiempo.
Sa oras nga maangkit it ayam hay importanteng banlawan it malimpyo nga tubi ro nina ag sabunan antes nga takpan ag dayun nga mag agto sa mga animal bite centers para sa rabies shots.
Paandam pa nana nga indi magbutang it anuman nga ointment sa inangkitan it ayam ag sa baylo hay mag-agto eagi sa pinakamaeapit nga animal bite center.
