KALIBO, Aklan–Naga-aray makaron sa presyo it mga nagapangunang baeak-eon ro mga konsumidor partikular ro mismong mga negosyante sa Kalibo Public Market.
Sambilog si Baby Villanueva sangka vendor it simuyaw sa kalibo public market sa mga naga-kaeot eon lang it ueo sa padayon nga pagtinaas sa presyo it mga baeak-eon partikular sa daeagan it presyo it asukar.
Suno kana, sakto eon lang nga makabakae ro anang benta sa sang muhapon nga pagbaligya it asukar ag kape ag suea sa pang adlaw-adlaw.
Pila malang sigon ro anang ginansiya sa pagbaligya it simuyaw rason nga sakto eon lang nga maadto sa pang adlaw-adlaw nga kinahangean ag owa eon it mabilin para sa mga emergency nga sitwasyon.
Apang apisar nga magaoy ag maintok ro kita hay padayon sa gihapon sigon sanda sa pagbaligya para eamang may makaon sa adlaw-adlaw.
