National News———–Hugot nga nagpaandam ro Commission on Elections (Comelec) sa publiko nga bawal pagpusta-an ro mangin resulta it eleksyon sa Mayo 9.
Suno kay Comelec Commissioner George Garcia, magapangatubang it pagkakulong ro sin-o man nga mapamatud-an nga kaibahan sa nasambit nga ilegal nga hilimuon sandig sa probisyon it Omnibus Election Code.
Sa pihak nga parte, gin-insister man ni Garcia ro mabuhay eon nana nga paandam angot sa vote-buying ag vote-selling.
Dugang pa ni Garcia, makabig eon nga vote-buying ag vote-selling kung in-cash man ukon sa pamaagi it promisa nga bulig ro kabaylo it sangka boto.
Madumduman nga kasunod kara naghimu eon it Task Force Kontra Bigay ro komisyon para siguraduhon nga magapangatubang sa nagakaigo nga penalidad ro sin-o man nga madakpan nga eakot sa nasambit nga illegal nga hilimuon.
