Dati eon nga napabalita ro nagalibot nga puti nga van nga ginasugid nga nagapangbo-oe sigon it mga pamatan-on nga babaye.
Makaron hay medyu nauman eon man ro mainit nga balita angot kara nga nagatuga eon man it grabeng pagkabaeaka sa parte it mga ginikanan, eabi pa ag nagbukas eon ro face-to-face classes.
Maskin nga pahayag eon angot kara ro Philippine National Police (PNP) medyu indi pa matapus-tapos ro init it balita angot kara.
Sa pihak nga may pilang insidente nga natigayon nga ma-record it mga naka-eowas nga biktima, indi man mai-konek raya sa pilang insidente it pagpatay.
Ko nagtaliwan nga martes, sangka 13-anyos nga unga ro nagsugid matapos nga makaeowas sa hana nga pagkidnap kana it mga kaeaeakin-an nga sakay it puti nga van sa Caloocan City.
Nagsukoe sigon ro biktima ag nagsinggitan nga nakapukaw sa atensyon it sangka tricycle driver nga nagbulig kana rason nga owa imaw nadaea it mga suspek .
Haeos sa pilang insidente, makarondaya man ro naging pahayag it mga ginasugid nga target nga biktimahon.
Ro makangawa-ngawa, haeos kaabuan sa mga ginasugid nga ginhana nga kidnapon hay nakakapaeagiw.
Kon ro intensyon it mga raya hay magpangbo-oe it mga biktima, madaea nanda ro target kon andang paga-gustuhon .
Dapat raya nga mausisa it pulisya kon ano ro motibo sa ginasugid nga hana nga pagpangkidnap it mga sakay it puti nga van.
Matsa gusto eamang nanda nga magpanghadlok sa publiko .
