KALIBO, Aklan — Owa eon it kabuhi nga nasapwan nga nakabigti sa puno it bugnay ro sangka persons with disability (PWD) gamit ro sangka eubid Miyerkules it agahon sa Sitio Caigang, Brgy. Julita, Libacao, Aklan.
Nakilaea ro biktima nga si Garcia Esto, alyas Garci, 64, owa it asawa ag residente it nasambit nga lugar.
Ginpahayag ni P/Capt. Willian Aguirre, hepe it Libacao Police Station nga ro bangkay hay nadiskubre it bayaw it biktima samtang naga-usoy it signal it cellphone mga 500 metros ro kaeayuon halin sa anang baeay.
Dugang pa nga nauna eon nga gin-report it mga igbata it biktima ro anang pagkaduea matapos nga owa raya naka-uli sa baeay it anang igmanghud, nga kon sa siin, imaw naga-istar.
Nagapati ro mga kaigbataan it biktima nga posibleng na-depress raya tuga it anang baeatian rason nga nag-suicide .
