Mabakod, ro naging panindugan nanday Surigao del Norte Representative Robert Ace Barbers ag Sta. Rosa Representative Dan Fernandez nga owa kamatuoran ro pahayag ni dating Presidential Spokesperson Salvador Panelo nga, “demolition job” sa mga Duterte ro imbestigasyon it quad committee it Kamara.
Raya hay kasunod it pagpakita sa hearing it quad committee it daywang mga testigo nga naga-angot kay dating Presidente Rodrigo Duterte sa pagpatay sa tatlong Chinese drug lords sa sueod it Davao Prison and Penal Farm ko 2016.
Pahayag ni Representative Barbers nga overall chairman it quad committee nga maskin ano pa ro hambaeon kontra sa quad committee, indi raya maka-apekto sa andang tinutuyo nga ibulgar ro kamatuoran angot sa extra judicial killings, Philippine Offshore Gaming Operators (POGO), ag iligal nga droga.
Pahayag man ni Representative Fernandez, bukon man nanda it saea kon ro mga impormasyon ag ebidensya nga nagatuhaw sa hearing it quad committee ro nagaturo sa mga Duterte ag sa dating administrasyon.
Paathag pa ni Fernandez, ginapamatian eamang it quad committee ag ginabaton ro mga ebidensya nga ginapresentar kanda rason nga bukon raya it pagpang-guba sa kon sin-o man nga tawo.
