Kasunod sa selebrasyon it pride month, nag-apela ro Queen of Aklan Organization Incorporated sa gobyerno nga taw-an it igtaeopangod ro Sogie Bill kon sa siin mabuhay eon raya nga ginaduso para may mabakod nga laye para sa mga miyembro it LGBTQIA+ community.
Angot kara, ginpaathag ni Errol Ordines ro importansya it selebrasyon kon sa siin ginataw-an kara it igateopangod ro civil rights it mga una sa nasambit nga sektor.
Kinahang-ean nga maging bukas ro tanan pag-abot sa sexual identification it kada isaea bangud nga may kahilwayan ro tanan nga umako kon anu ro anang baeatyagon.
Nasayuran nga ro Queen of Aklan Organization Incorporated nga nag-umpisa sa pag-organisa it pagaent hay rehistrado eon man sa Securities and Exchange Commission ag sambilog eon sanda nga naga-edukar sa pumueoyo angot sa HIV.
Pinaagi man sa pag-collaborate sa mga nagkaeain-eain nga ahensya ag organisasyon hay maabo eon ro andang nakataeana nga mga programa ag proyekto nga makabulig sa mga LGBTQIA+ community.
