KALIBO, Aklan—Ginpaathag it sangka registered nurse nga presenteng naka-assign sa animal bite section it sangka ospital sa banwa it Kalibo ro kaungdan it makamaeatay nga rabies kasunod it pagdumdom it World Rabies Day.
Suno kay Chester Del Rosario, raya hay sangka makamaeatay nga sakit it sapat nga daea it sangka virus nga masaming nagahalin sa kuring, ayam ag iba pang klase it sapat.
Nabubuoe raya it mga tawo halin sa nag-angkit it natapnan nga sapat.
Ginpaathag dugang ni Del Rosario nga ro mga sintomas it rabies hay ginakaeakipan it eagnat, sakit it ueo, pagkagaoy, paralisis ag iba pa.
Engkasong mag-umpisa sigon ro mga sintomas, ro sakit hay uwa it bueong ag masaming nagakamatay ro pasyente.
Rason nga panugyan nana nga hugasan it mayad ro nina ag likawan nga magpatagdok nga halin pa man kato hay nagakatabo eon.
Sa moderno nga tyempo suno kana hay posible pang magka-infection ro pasyente rason nga insigidang mag-adto sa pinakamaeapit nga ospital ukon animal bite center para mainjectionan ag maeapatan it nagakaigong pagbueong.
Mag-eowas kara, agud nga makabulig nga makalikaw sa rabies, pabakunahan ro inyong mga alagang sapat ag inde raya pagpabay-an nga magwinarang.
