Gusto ni Senator-elect Raffy Tulfo nga magapili imaw it sangka senador nga may “least business interest” para maging masunod nga Senate president.
Apang, ginpahayag kara nga bukon it sangka partikular nga senador ro anang ginatumod kung siin gindugang pa kara nga “maga-imbestiga ag maga-usisa” pa gihapon imaw angot sa mga interes it negosyo it mga senador nga gusto sa nasambit nga posisyon.
Sa makaron, ginpahayag ni Tulfo nga nakipag-angot kana sanday Senators Cynthia Villar, Juan Miguel Zubiri ag Imee Marcos para talakayon ro Senate presidency sa 19th Congress.
Ginpahayag it broadcaster-turned-lawmaker nga ginpangutana nana si Senador Francis Escudero ko Miyerkules it gabi-i kung interesado raya sa Senate president post.
Ginapag-isipan pa sigon ni Escudero ro pagdaeagan bilang Senate president, suno kay Tulfo.
