Naangkon it reformist nga si Masoud Pezeshkian ro kadaeag-an sa ginpatigayon nga presidential elections sa Iran.
Ginpyerde ni Pezeshkian ro anang kaengkwentro sa pinaagi it mabahoe nga abante.
Natabo raya sa tunga it grabeng tensyon sa sueod ag sa guwa it andang nasyon.
Halin sa 30.5 milyong boto nga ginhuyap sa runoff, nagdaog si Pezeshkian it masobra sa 16.3 milyon.
Dikara hay ginpyerde kara ro anang ultraconservative rival nga si Saeed Jalili nga nakabuoe it 13.5 milyong boto.
Nasayuran nga ro voter’s turnout hay may kabilugang 49.8% eamang.
Nailihir si Pezeshkian sa ikaywang round it pagboto matapos maangkon ro pinakamataas nga numero it mga balota.
Ro bag-ong presidente hay magiging kabueos ni President Ebrahim Raisi, nga namatay sa helicopter crash ko May 19, 2024.
